علق الإعلامي أحمد حسام ميدو على تعادل منتخب مصر اليوم أمام منتخب موزمبيق في الجولة الأولى من المجموعة الثانية من بطولة كأس الأمم الأفريقية
حيث تعادل المنتخب بشكل مفاجئ أمام موزمبيق بهدفين مقابل هدفين وفقد اول نقطتين في المشوار الإفريقي في أمم إفريقيا الحالية
وكتب ميدو عبر حسابه على موقع التواصل الاجتماعي تويتر قائلاً:
مباراة سيئة جدا من منتخبنا ماعندناش اي حلول لاعيبة نص الملعب لا بيدافعوا ولا بيهاجموا باكين الجنب التلاته اللي لعبوا مش عارفين يرفعوا ولا كورة صح ومفيش ضغط عليهم
وتابع: المهاجمين واقفين في العرضيات ماحدش فيهم بيحاول يقطع قبل المدافعين امام عاشور نازل قرفان و بيلعب على الهادي خالص كاننا كسبانين..ازاي كهربا يبقى بره واحمد حسن كوكا هو اللي ينزل؟ ليه في الزحمه دي مصطفى فتحي مانزلش؟
واختتم:اسوأ مباراة لڤيتوريا مع المنتخب..مباراة كلها اخطاء من المدرب
وتابع : ربنا ستر النهارده وطلعنا متعادلين و النقطة اللي اخدناها النهارده هي الحسنة الوحيدة في الماتش..الماتش اللي جاي مش محتاج تأليف لازم نلعب ٤-٣-٣ ولازم نبقى منظمين وكل اللاعيبة تلتزم بأدوارها الدفاعية..كم اللاعيبة اللي بتتمشى بعد ما الكورة بتتقطع مننا مرعب!!
