تامر حسني وتركي آل الشيخ

أعرب الفنان تامر حسني عن سعادته البالغة بتصريحات المستشار تركي آل الشيخ، رئيس هيئة الترفيه بالمملكة العربية السعودية عن الإيرادات الذي حققها بفيلم بحبك، والذي فجرها في مؤتمره الصحفي الذي أقامه في مساء أمس الأربعاء بالقاهرة، مشيرا إلى أن فيلم بحبك حقق مليار جنيها مصريا في المملكة العربية السعودية.

تامر حسني: تركي آل الشيخ أعلن إيرادات فيلم بحبك قدام العالم كله وكان عندي حق

وأعاد تامر حسني نشر تصريحات تركي آل الشيخ عبر حسابه الرسمي بموقع تبادل الصور والفيديوهات انستجرام، وعلق عليه في المنشور الذي رصده موقع تحيا مصر قائلا: خالص الشكر لمعالي المستشار تركي آل الشيخ.. نصرتني يابو ناصر. 

وتابع حديثه قائلا: بعيداً طبعاً عن ان الرقم ده بيروح لموزعين الخارج عشان محدش يفتكر ان المنتج او الابطال بياخدوا الرقم ده لأ ده رقم بيتوزع على موزعين الخارج في العالم كله و الفنان له اجر ثابت المهم الكثير كان بيشكك في ايراداتي و كتير انتقدوا الفيلم قبل ما ينزل لمجرد انه تأليفي و إخراجي و موسيقتي التصويريه.

تامر حسني ينتصر على المشككين في إيرادات فيلم بحبك 

وتابع تامر حسني حديثه قائلا: كنت مأجل بوست احتفالي معاكوا بنجاح فيلم بحبك اللي عدا عليه سنتين حتى تعلن الجهه المختصه عن رقمه القياسي تيجي بقى من ابو ناصر نفسه امام العالم كله ليثبت ان كان كلامي صح و اني مش بقول غير الحق ولا مضطر اقول غير الحق و طبعاً ده غير ايرادات الفيلم في مصر و باقي دول العالم.

واختتم تامر حسني حديثه، قائلا: كل الشكر للجمهور الطيب الغالي في مصر و السعوديه و الوطن العربي كله و العالم شكراً لكل ابطال العمل و صُناعُه و منتجينه اللي صدقوني و دايماً في ضهري.. شكراً معالي المستشار تركي آل الشيخ ،،نورت مصر بلدك الثانيه بجد انا دلوقتي اقدر أحتفل معاكم بنجاح اول فيلم من إخراجي الحمدلله.

تامر حسني يحقق نجاحات ساحقة بأغنية موضوع رجوعنا

من ناحية أخرى، حقق الفنان تامر حسني نجاحات كبيرة كم خلال أغنية موضوع رجوعنا والذي طرحها مؤخرا على موقع الفديوهات الشهير يوتيوب، والتي أتى مطلعها: بتلومني ليه على إني عيشت وشوفت بعدك طب ما إنت برضو مشيت ومعملتش بوعدك بقى حلو ليك وبقيت عليا محرّمه هما اللي حبوا بعد فُرقه أجرموا  إحساسي كنت مموته وملجمه  وحرام تروحي من أحاسيس جه وقتها  ملناش حقوق على بعض مش خلصت بقى ولا ليك تغير على حاجه يوم أهملتها القلب صعب يلاقي روحه ولو لقى يفضل متبت في الحياه ويحبها  مبقاش في بينا ذكرى حب نخلده موضوع رجوعنا مستحيل إستبعده ولا أخلي قلبي حد يوم يستعبده  ولا أخلي حد في يوم ينزل دمعتي.