في عيد ميلاد هاجر أحمد| رفضت ارتداء المايوه بمسابقة ملكة الجمال.. ورسالة كانت السبب في انطلاقها بالتمثيل

شارك هذه المقالة مع أصدقائك!

شكرا على متابعتكم خبر في عيد ميلاد هاجر أحمد| رفضت ارتداء المايوه بمسابقة ملكة الجمال.. ورسالة كانت السبب في انطلاقها بالتمثيل

يحل اليوم الأربعاء 28 فبراير عيد ميلاد الفنانة هاجر أحمد، تلك الفنانة صاحبة الملامح الجميلة، والروح الرقيقة، التي أستطاعت بها الدخول إلى قلوب عدد كبير من الجمهور في وقت قصير، وبمناسبة حلول عيد ميلادها اليوم سيرصد موقع تحيا مصر لقطات قد لا يعرفها الكثيرون عن حياتها الشخصية، والتي منها قصة زواجها السريعة، ورفضها ارتداء المايوه في مسابقة ملكة الجمال، وحكاية الرسالة التي دفعتها إلى التمثيل.

زواج هاجر أحمد السريع

أكدت هاجر أحمد في أحد لقاءاتها التلفزيونية على أنها اتخذت قرار زواجها في وقت قصير جدًا، فقالت: الموضوع مكنش ليه تمهيد عندي، الموضوع جه بسرعة، ومكنش في فترة خطوبة طويلة عشان أعلن عنها، فكنت حابة أني أعلن عن كتب الكتاب مرة واحدة، والعلاقة كلها مش طويلة كانت شهرين.

هاجر أحمد

وتابعت: عرفته عن طريق أهلي، واتجوزنا على طول مطولناش، ووافقت عليه في يوم، وأوقات النصيب بيجبرك على حاجة في راحة نفسية تامة في صلاة استخارة فهو دا، وهي جات كدا مرة واحدة، أنا وافقت في يوم، وهو قالي عايز اتجوزك في أول يوم شافني فيه، تاني يوم أنا قولت هصلي صلاة استخارة وهقول أوكيه فقولت أوكيه مرة واحدة، ومكنتش ضد الجواز والاستقرار، وكان عندي تحفظات كتيرة على اختيار شريك حياتي، وكان لازم اختاره بعناية قوية.

رفض هاجر أحمد ارتداء المايوه

وعلى صعيد أخر، كشفت هاجر أحمد أنها رفضت ارتداء المايوه في مسابقة ملكة الجمال، فقالت: شغلانة المذيعة دي صعبة أوي مقدرش اشتغلها، أني اتكلم مع ناس واطلع منهم أسئلة واستجوبهم، بحس أنها شغلانة صعبة جدا لازم حد يكون عنده موهبة وملكة مش عندي.

وتابعت: دخلت مسابقة ملكة الجمال 2015، وكنت بمثل قبلها، أنا خريجة فنون مسرحية أصلا وبعدين اتخرجت ودخلت مسابقة الجمال، وشاركت في مسابقة أجمل وجه في العالم ولكن رفضت أشارك في حاجة معينة، رفضت أني البس بكيني فدرجاتي قلت.

رسالة تامر محسن لـ هاجر أحمد

ومن ناحية أخرى، نسبت هاجر أحمد الفضل في انطلاقتها الفنية إلى المخرج تامر محسن، فقالت: في الوقت دا كنت لسه متخرجة وكنت قعدت سنتين مش بشتغل واتفرجت على مسلسل ساعتها كان بيتعرض اسمه تحت السيطرة وكان قوي جدا، وحسيت أني غيرانة وقولت أنا ليه مكنش بمثل في المسلسل دا، قعدت أدور مين المخرج فلقيته أستاذ تامر محسن وقعدت ادور عليه وبعتله رسالة قولتله أهلي مش موافقين على التمثيل وعايزة ارجع أمثل تاني بس مينفعش.

وتابعت: وقولت أنا هبعت الرسالة وهو أكيد مش هيرد فلقيته بعد يوم أو يومين رادد عليا برسالة وقالي مادام أنتي عندك حلم أوعي تسيبيه واقنعي أهلك، وهو ليه فضل عليا بعد ربنا، وحسيت أني عايزة اجتهد واحارب شوية، وبعدين لقيته بيكلمني بيقولي أنا بعمل مسلسل اسمه هذا المساء وتعالي اعملي اوديشن معايا.

‫0 تعليق