في عيد ميلادها| تعرف على قصة تعرض سلوى خطاب للخيانة.. والسر وراء عدم إنجابها

شارك هذه المقالة مع أصدقائك!

شكرا على متابعتكم خبر في عيد ميلادها| تعرف على قصة تعرض سلوى خطاب للخيانة.. والسر وراء عدم إنجابها

يحل اليوم الإثنين 26 فبراير عيد ميلاد الفنانة سلوى خطاب، تلك الفنانة التي عشقنا جميع الأدوار التي قدمتها سواء في السينما أو في التلفزيون، وحفظنا جملها الشهيرة في الأعمال الفنية التي مازلنا نرددها رغم مرور سنوات على عرضها، وبمناسبة حلول عيد ميلادها اليوم سيرصد موقع تحيا مصر عدد من القصص والحكايات التي تخصها وقد لا يعرفها عدد كبير من الجمهور والمتابعين، ومنها قصة تعرضها للخيانة، والسر وراء عدم إنجابها.

ترك سلوى خطاب لكلية التجارة

كشفت سلوى خطاب في لقاء تلفزيوني سابق لها أنها قررت ترك الدراسة في كلية التجارة للتفرغ للفن، وقالت في اللقاء بالنص: “درست في كلية تجارة الأول، وبعدين سيبتها ودخلت معهد فنون مسرحية، وعملت فيلمين وأنا في المعهد، عشاق تحت العشرين ودعاء المظلومين، وكان لازم أكمل دراستي فمقدرتش ودخلت معهد فنون مسرحية، ولازم جمب الموهبة يكون في الدراسة.

سلوى خطاب

علاقة سلوى خطاب بزوجها المخرج أسامة فوزي

وفي لقاء آخر، كشفت سلوى خطاب عن علاقتها بزوجها الراحل المخرج أسامة فوزي، فقالت: “علاقتي بأسامة كانت علاقة غير عادية وهي قصة حب قعدت أدور عليها من وانا صغيرة، أنا مكنتش عايزة قصة حب عادية اتنين حبوا بعض وارتبطوا، كنت عايزة قصة حب عنيفة وربنا رزقني بيها، ومش هلاقي تاني حد يفهمني ويبقى في لغة مشتركة بينا، احنا كان ممكن نقعد في البيت 20 يوم من غير ما ننزل ومش بنبقى زهقانين، ولو لقيت حد تاني ممكن أعيش معاه أكيد مش هقول لا، وأسامة فوزي على المستوى الشخصي كان إنسان عميق جدا وفي بينا لغة مشتركة وتاريخ مشترك.

سلوى خطاب

وتابعت: أسامة فوزي هيظل علامة مهمة جدا في تاريخ الإخراج السينمائي في مصر رغم أنه عمل 4 أفلام، لما جينا كان سر إعجابي بيه دماغه الفنية بجانب ثقافته وإنسانيته وكان في حاجات جميلة ومميزة، وأنا كنت مؤمنة بيه جدا.

تعرض سلوى خطاب للخيانة

أما في لقاء آخر لها مع الإعلامية راغدة شلهوب، أكدت سلوى خطاب على تعرضها للخيانة من رجل كانت مرتبطة به، فقالت: قفشت راجل بيخوني قبل كدا وكان من الغيظ لأنه طول الوقت كنت بقوله في حاجة مش مظبوطة، وهو يقولي لا مفيش حاجة أنتي اللي في دماغي، وجبتله كل الإثباتات وكنت بدافع عن اللي كان بيخوني معاها عشان هي اللي فتنتلي، وأنا ببقى صريحة جدا في الحكاية دي، مفيش حاجة تجبر على الخيانة وقت ما تكون عايز تعمل حاجة اعملها ومترجعليش.

السبب وراء عدم إنجاب سلوى خطاب

ومن ناحية أخرى، أوضحت سلوى خطاب السبب وراء عدم إنجابها، فقالت: دا قدر من عند ربنا، انا مفهامش يعني ايه اجيب أطفال ومتحملش مسئوليتهم، اجيب أطفال يعني لازم اتفرغلهم، وكنت حاسة أن المجتمع دا لو خلفت فيه أنا هتعب لأنه في حاجات كتير مش عاجباني، وأنا مش فاهمة يعني ايه تربية حديثة واجيب عيال يقعدوا يقرفوني، والحمد لله كان زماني متجرجرة كل يوم في القسم العيال عاملين فيا محضر.

‫0 تعليق